31 окт 08:04
Янгиликлар

Каратэ

Сайматов - жаҳон чемпионати вице-чемпиони!

Испаниянинг Тенерифе шаҳрида олимпия оиласига мансуб каратэнинг WKF йўналиши бўйича ўсмирлар ва ёшлар ўртасидаги жаҳон чемпионати бўлиб ўтди.

14-15, 16-17 ҳамда 21 ёшгача бўлган ўсмир ҳамда ёшлар ўртасида ташкил этилган ушбу жаҳон чемпионатида Ўзбекистон терма жамоаси аъзолари ҳам муносиб тарзда иштирок этишди.

Дунё биринчилигида сайёрамизнинг 109 давлатидан истеъдодли каратэчилар татамига чиқишди. Улар орасида ҳамюртимиз -60 кг вазнда Осиё чемпиони, дунёнинг энг нуфузли мусобақаси ғолиби Садриддин Сайматов финалгача мағлубиятсиз етиб бориб, кумуш медални қўлга киритди.

Маълумот учун, Сайматов жами 5 та Премьер-лига мусобақаларининг 4 тасида ғалаба қозониб, олтин медалга сазовор бўлдганди. Айнан мана шу натижаси эвазига у ҳақли равишда 2017 йилнинг энг яхши каратэчиси деб топилган.