“Сен-Пьер — Хабиб жанги бўлмайди”

Бу ҳақида собиқ чемпионнинг мураббийи Жон Данахер маълум қилди.

“Бу баҳс ташкил этилса, ажойиб иш бўларди. Лекин Жорж Сен-Пьер ва Хабиб Нурмагомедов ўртасидаги тўқнашув ёш тафовути сабабли ҳеч қачон ташкил этилмайди. Жорж анча йил аввал фаолиятини якунлаган. Шунингдек, унинг ошқозонида жиддий муаммолар бор. Шу сабабли ҳам у доим ҳам тўлиқ куч билан машғулотларда иштирок эта олмайди”, - деди Данахер.

Эслатиб ўтамиз, Хабиб бир неча бор фаолиятини Жорж Сен-Пьерга қарши жанг билан якунлаш ниятида эканлигини маълум қилганди.