Сенегал экстра таймларда Марокашни енгиб Африка кубоги соҳиби бўлди, Диас 90+24 дақиқада пенальтини голга айлантира олмади

Турнир Марокашда бўлиб ўтгани ҳам муҳим жиҳатлардан бири бўлди. 90+24 дақиқада Браим Диас пенальтидан унумли фойдалана олмади. Бунгача Сенегал терма жамоаси норозилик сифатида майдонни тарк этганди, бироқ Садио Мане шерикларини ортга қайтишга чақирди. 

Биринчи экстра-таймнинг 4-дақиқасида Пап Гейе Сенегални ҳисобда олдинга олиб чиқди ва унинг голи жамоага Африка Кубогини келтирди.

Сенегал ақлбовар қилмас финалда Африка кубогини мўъжизавий тарзда қўлга киритди: сенегалликлар марокашлик мезбонларни мағлуб этиб, уларни 1976 йилдан бери кутилган Африка кубогидан маҳрум қилишди.

Финал хронологияси:

• 90+2 - Сенегалнинг голи бекор қилинди.

• 90+8 - Марокашдан пенальти.

• 90+12 - Сенегал ўйинчилари майдонни тарк этди.

• 90+20 - Сенегал ўйинчилари қайтди.

• 90+24 - Сенегал посбони пенальтини қайтарди.

• 94 - Сенегал қўшимча вақтда гол уриб, ғалабага эришди.