«Сени еб қўяман, Ҳумоюн» - Ҳумоюн Тўхтамуродовдан реванш сўрашди

Ҳумоюн Тўхтамуродов сўнгги жангини Оctagon League'да эронлик Мехршод Эстрабадига қарши ўтказиб, рақибини бўғиш услубида мағлуб этган эди. Эстрабади Тўхтамуродовдан реванш олиш истагини билдирди.

«Мен Мозандаронлик Сайид Мехршод Эстарабадиман. Мен ёлғиз бошладим ва йўлимни давом эттираман. Ҳумоюн Тўхтамуродов билан яна жанг қилмоқчиман. Реванш жангида октагонда унинг бўйнини синдираман! Жангимиз олдидан мен Дубайдаги парвозимни ўтказиб юборганимни ҳамма билади, шу сабабли бошқа шаҳарда бир кун қолиб, вазн ўлчашга кечикиб қолгандим. Ҳумоюнга омад кулиб боқди, мен ўшанда чарчаган эдим, жанг қиладиган ҳолатда эмасдим. Иккинчи жангда сени еб қўяман, Ҳумоюн! Бизга реванш беринг», - деб ёзиб қолдирди Эстрабади ижтимоий тармоқда.