UZ

Сўнгги янгиликлар

20:34Футзал. Ўзбекистон бу сафар Ироқни мағлуб этди 0 19:37"Камп Ноу" стадионининг очилиш санаси маълум бўлди 0 19:16Холлоуэй Топурияга жавоб қайтарди: "Ҳақиқий BMF шарт қўймайди" 0 18:55Топурия агар ўртага BMF камари қўйилмаса, Холлоуэйга қарши жанг қилмайди 0 18:34Онс Жабер 1/8 финалда ютқазиб қўйди 0 18:13АПЛнинг топ-клублари "Кристал Пэлас" вингерига қизиқишмоқда 0 17:52Бекзод Абдураҳмонов ўзининг учинчи Олимпиадасида иштирок этади 0 17:37Нигина Абдураимова Калви турнири 1/2 финалида! 0 17:16Ғуломжон Абдуллаев Париж-2024 Олимпиадасига боради 0 16:58Нагельсманн "немис машинаси" билан шартномани узайтирди 0 16:37Хорхе Масвидаль: "Мен ғалаба учун қайтаман" 0 16:16Сергей Фомин ҳал қилувчи учинчи сетда 1/5 ҳисобидан чиқиб кетди 0 15:55Дзюдо бўйича Осиё чемпонатига қуръа ташланди 0 15:34Футзал бўйича ФИФА Жаҳон чемпионати-2024 мезбон шаҳарлари эълон қилинди 0 15:13Кроуфорд - Мадримов жанги борасида музокаралар бошлангани маълум қилинди 0

31 авг 09:04
Янгиликлар

Бокс/ММА

Сентябрь ойида ўзбекистонлик ММАчилардан кимлар октагонга чиқади?

Кузнинг илк ойида ўзбек ММА мухлисларини ҳамюртларимиз иштирокидаги ажойиб жанглар кутиб турибди.

Богдан Гусков - 2 сентябрь

2 сентябрь куни Франция пойтахти Париж шаҳрида UFC Fight Night турнири бўлиб ўтади. Мазкур оқшом доирасида Швейцария вакили Волкан Оздемир (18-7) россиялик Азамат Мурзаканов (13-0) билан жанг қилиши керак эди. Аммо Мурзакановнинг бу жангда иштирок эта олмаслиги маълум бўлди. Унинг ўрнини захира варианти сифатида яримоғир вазнда ўзбекистонлик UFC жангчиси Богдан Гусков (14-2) эгаллади. Эндиликда Гусков дебют жангини айнан Волкан Оздемирга қарши ўтказади.

Эслатиб ўтамиз, Волкан Оздемир сўнгги жангини ўтган йилнинг октябрь ойида UFC 280 турнири доирасида Никита Криловга қарши ўтказиб, мағлуб бўлган эди. У фаолияти давомида Даниэль Кормье, Энтони Смит, Доминик Рейес, Иржи Прохаска, Магомед Анкалаев каби машҳурлар билан жанг қилган.


Муҳиддин Мамажонов - 2 cентябрь 

Амирхон Алихўжаев - 2 cентябрь

2 cентябрь куни Словакиянинг Трнава шаҳридаги "Местска Спортова Хала" мажмуасида Fabriq ММА 3 турнири бўлиб ўтади. Ушбу оқшомда икки ҳамюртимиз Муҳиддин Мамажонов ҳамда Амирхон Алихўжаев жанг қилади. Шунингдек, ўзбекистонлик UFC жангчиси Маҳмуд Мурадов ҳам мазкур турнирга расмий меҳмон сифатида таклиф этилган.

Енгил вазнда: Муҳиддин Мамажонов (4-0) - Иамик Мойзес (Гвинея-Биссау, 7-6)

Енгил вазнда: Амирхон Алихўжаев (5-3) - Магомед Кадимагомедов (Бельгия, 4-0).

Эслатиб ўтамиз, Муҳиддин Мамажонов сўнгги жангида Заур Исаевни енгган эди. Амирхон Алихўжаев эса охирги жангида украиналик Даниэл Донченкога имкониятни бой бериб қўйганди.


Достон Бозоров - 8 сентябрь 

Енгил вазн тоифасида Octagon legaue'нинг вақтинчалик чемпиони Достон Бозоров (8-1) навбатдаги жангини 8 сентябрь куни Бишкекда ташкил этиладиган Octagon 49 турнири доирасида ўтказади. Ушбу баҳсда ҳамюртимиз ўз камарини бразилиялик Верлесон Алмейда де Соуза (8-6)дан ҳимоя қилади. Мазкур тўқнашув оқшомнинг марказий жанги ҳисобланади.

Достон ушбу жангда ғалаба қозонса, йил охирига қадар Сардор Мажидовга қарши октагонга чиқиши мумкин.


МPL 8 - 16 сентябрь (Тошкент)

Шоҳасан Мирзаматов

Жасур Мирзамуҳаммедов

Авлиёхон Ҳамидов

Жаҳонгир Нажмиддинов 

Лазизхон Ўзбеков

Лазизбек Темиров


Бобур Қурбонов - 23 сентябрь

23 сентябрь куни Россия пойтахти Москва шаҳрида MMA Series 72 турнири ташкил этилади. Mазкур мусобақада Лиганинг ярим ўрта вазн тоифасида ўзбекистонлик собиқ чемпиони Бобур Қурбонов (13-5-0) ҳам жанг қилади. Ҳамюртимизга ўша куни россиялик Аҳмед Мусаев (6-0-0) рақиблик қилади. Жанг асосий кард доирасида 3 раунд этиб белгиланган. Оқшомнинг марказий жанги россиялик Сергей Харитонов (33-9-0) ҳамда Бразилия вакили Тиаго Кардосо (15-8-2) ўртасида кечади. 

Эслатиб ўтамиз, Бобур Қурбонов ўтган йилнинг декабрь ойида рус жангчиси Сергей Бобришевни мағлуб этиб, MMA Series чемпионига айланган эди, аммо июль ойида ўтказилган реванш жангида Бобришев баҳсли ғалабага эришди. 27 ёшли Аҳмед Мусаев учун эса бу жорий йил ҳисобидан учинчи жанг бўлади.


Рамазон Темиров - 24 сентябрь

24 cентябрь куни Япониянинг Саитама шаҳрида ММА бўйича RIZIN 44 турнири бўлиб ўтади.

Мазкур мусобақа доирасида ўта енгил вазн тоифасидаги ҳамюртимиз Рамазон Темиров (16-2-0) октагонга кўтарилади. Ҳамюртимизга ўша куни япониялик Такаки Соя (12-5-1) рақиблик қилади. Жанг асосий кард доирасида 3 раунддан иборат бўлади.

Маълумот учун, Такаки Соя ўта енгил вазнда дунё рейтингида 35-ўринда қайд этилган. Темиров RIZIN'даги илк жангида Юта Хамамотони муддатидан олдин мағлуб этганди.

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг