14 авг 08:03
Янгиликлар

Теннис

Серена Уильямс опаси Винусни аяб ўтирмади

АҚШнинг Лексингтон шаҳрида ўтказилаётган теннис бўйича Top Seed Open турнири ўзининг қизғин палласига кирди.

Сайёрамизнинг тўққизинчи ракеткаси, америкалик Серена Уильямс иккинчи давра учрашувида опаси Винус Уильямсга қарши кортга чиқди. 40 ёшли Винус рейтингнинг 67-поғонасидан жой олган.

Опа-сингиллар ўртасидаги баҳс 2 соату 19 дақиқа давом этди ва унда Серена 3/6, 6/3, 6/4 ҳисобида ғалаба қозонди. 38 яшар Серена Уильямс 14 та эйс зарбасини амалга оширган. Ўзаро учрашувлардаги ҳисоб Серена фойдасига 20:13 кўринишига келди.