02 дек 14:53
Янгиликлар
Бокс/ММА
Сергей Богачук: "Мадримов билан жангда ҳаётимдаги энг яхши формамда бўламан"
Биринчи ярим ўрта вазн тоифасидаги украиналик боксчи Сергей Богачук (24-2, 23 КО) ўзбекистонлик Исроил Мадримов (10-1-1, 7 КО) билан жанг олдидан Мексикадаги йиғинини якунлади.
"Мексикадаги йиғинни якунлаяпмиз, энди Лос-Анжелесга қайтамиз ва у ерда бир ҳафта бўламиз, кейин 8 декабрь, якшанба куни Саудия Арабистонига учамиз.
Йиғинда жисмоний тайёргарлик бўйича ишладик ва спарринглар ўтказдик. Бу ерга ўзимиз билан спарринг шерикларимизни ҳам олиб келгандик. Улар кучли, яхши йигитлар, улар билан спарринг жуда сифатли ўтди.
Умуман олганда, йиғиним яхши кетмоқда, ҳамма нарса билан таъминланганман. Ўйлайманки, Мадримов билан жангда ҳаётимдаги энг яхши формамда бўламан. Мен жуда яхши тайёргарлик кўраман", дейди Богачук.
Сергей ва Исроил ўртасидаги жанг 21 декабрь куни Ар-Риёдда ўтказилади.
Ҳавола :
Манба : ua.tribuna.com
Фикрлар