Сергей Богачук: "Мадримов билан йилнинг энг яхши жангини ўтказишга ҳаракат қиламан"

"Мен уйда ўтириб, кута олмайман. Менга кўпроқ жанглар керак. Ҳозир менда яхши боксчига қарши яхши жангим бор. Менга бу қизиқ. Ҳар икки ойда жанг қилиб, ғалаба қозона оламан. Бу менинг ишим ва ўз ишимни яхши кўраман.

Фаолият қисқа бўлади. Бир ёки икки йил давомида дам олишга, тикланишга вақтим йўқ. Мен ҳозир ишлашим керак. Пул топишим, Сергей Богачук кимлигини одамларга кўрсатишим, исмимни тарихга ёзишим ва энг аввало соғлиғимни сақлашим керак.

Одамлар менга Ортис билан бўлган жангим йилнинг энг яхшиси эканини айтишади, аммо мен бунга эса йўқ дейман – Мадримов билан йилнинг энг яхши жангини ўтказишга ҳаракат қиламан", деди Богачук.