Сергей Богачук: "Мадримов Кроуфорд билан жангда ғалаба қозонганди"

Украиналик журналист Богачук билан кичик интервью уюштирди.

— Рақибингиз ҳақида нима дея оласиз? У сиз жанг қилишни истайдиган боксчими?

— Айни дамда Мадримовни менинг вазн тоифамдаги энг яхши боксчилардан бири деб ҳисоблайман, чунки у аслида Кроуфорд билан жангда ғалаба қозонган эди. Аммо ғалаба шунчаки унга берилмади. Умуман олганда, у менинг вазн тоифамдаги энг яхшиларидан бири.

— Мадримовнинг қандай ютуқ ва шу билан бирга камчиликлари бор?

— Ютуқлари қаторида шуни алоҳида таъкидлаш жоизки, бу боксчининг яхши зарбаси бор, унинг тажрибасини ҳам айтиб ўтиш жоиз. Унинг ҳаваскор боксдаги кўп йиллик фаолияти энг катта ютуғи. Заиф томони шундаки, у бардошли эмас. Яъни, жанг бошида у яхши ҳаракатланади, лекин кейин унга чидамлилик етишмайди. Умуман олганда, Мадримов жуда яхши боксчи.

Эслатиб ўтамиз, Сергей Богачук ва Исроил Мадримов ўртасидаги жанг 21 декабрь куни Саудия Арабистони пойтахти Ар-Риёд шаҳрида ўтказилади.