Сергей Богачук Мадримовнинг жангдан чиққанига илк бор реакция билдирди

"Instagram'даги постда мени белгилаб қўйишган экан, Boxrec'га қарадим, кейин эса рақибим ўзгарганини кўрдим. Сўнгра Том Леффлерга қўнғироқ қилдим ва у буни тасдиқлади.

Шундай экан, Мадримовга нима бўлганини билмайман, янги рақибим — Ишмаэль Девис. Ҳозир унинг жангларини кузатяпман, у яхши боксчи, лекин Мадримовга ўхшамайди.

Биз катта ўқув-машғулот йиғинидан ўтдик, турли спарринг шериклар билан кўп спарринглар ўтказдик: чап қўл, ўнг қўл, баланд бўйли, паст бўйли. Айтганча, мен Девис кўпроқ тик турадиган боксчи, Мадримов эса ҳаракатчанроқ эканини аллақачон пайқадим.

Лекин тўғрисини айтсам, Мадримовнинг жангдан чиққани мени ҳайратда қолдирмади, чунки бокс бу катта бизнес. Ваҳоланки, мен жуда яхши формадаман, ҳозир менга исталган боксчини беринг, мен ҳаммани парчалаб ташлайман", деди Богачук.