Сергей Фомин Анталия турнири жуфтлигида финалга чиқди

Мукофот жамғармаси 15 000 АҚШ долларини ташкил этувчи мусобақада ҳамюртимиз Сергей Фомин ҳам ўз имкониятини синаб кўряпти. Яккаликнинг иккинчи даврасида россиялик Максим Жуковга 4:6, 4:6 ютқазиб қўйган ҳамюртимиз энди бор эътиборини жуфтликдаги иштирокига қаратган. 

Россиялик Павел Вербин билан иккинчи рақамли жуфтликни ҳосил қилган Фомин 87 дақиқа давом этган 1/2 финал учрашувида туркиялик теннисчилар Умут Аккоюн ҳамда Мерт Туркер ҳамкорлигини 7/6(6), 6/4 ҳисобида таслим этди. Ҳар иккала жуфтлик ҳам 3 тадан қўшхатога йўл қўйган. Эйс зарбалар мезбон теннисчиларда кўпроқ бўлди - 3 га 1.