02 апр 17:53
Янгиликлар

Теннис

Сергей Фомин Анталия турниридаги иштирокини бошлади

Туркиянинг Анталия шаҳрида теннис бўйича М15 тоифасига кирувчи турнирнинг асосий тўр баҳслари старт олди.

Мукофот жамғармаси 15 000 АҚШ долларини ташкил этувчи мусобақада ҳамюртимиз Сергей Фомин ҳам ўз омадини синаб кўряпти. Мамлакатимизнинг иккинчи ракеткаси илк даврада рейтингда ўзидан деярли 1000 поғона қуйида бораётган туркиялик Мерт Туркерни ортиқча қийинчиликсиз мағлуб этди - 6/2, 6/2.

Таққослаш учун, Сергей Фомин ATP рейтингида 653, Туркер эса 1650-поғонани банд этган. Ҳамюртимизнинг 1/8 финалдаги рақиби кейинроқ аниқланади.