26 май 17:59
Янгиликлар

Теннис

Сергей Фомин Бодрум турнири жуфтлигида чемпион бўлди

Туркиянинг Бодрум шаҳрида ўтказилаётган теннис бўйича "Фьючерс" туркумига кирувчи турнир ўз якунига етиб бормоқда.

Мукофот жамғармаси 25 минг АҚШ долларини ташкил этган ушбу мусобақада ҳамюртимиз Сергей Фомин ҳам ўз имкониятини синовдан ўтказаётган эди. Мамлакатимизнинг иккинчи ракеткаси яккалик баҳсларининг 1/4 финалида испаниялик Карлос Санчесга имкониятни бой берганди.

Россиялик Евгений Филиппов билан тандем ҳосил қилган Фомин жуфтлик мусобақаси чемпионига айланди. Турнирнинг учинчи рақамли жуфтлиги ҳисобланган Сергей ва Евгений ҳал қилувчи финал учрашувида тўртинчи рақам остида таснифланган Егор Агафонов (Россия) / Лилиан Мармузес (Франция) ҳамкорлигини 6/4, 7/6(5) ҳисобида таслим этди.