07 ноя 17:15
Янгиликлар
Теннис
Сергей Фомин Гераклион турнирида нимчорак финалга қадар етиб бора олди
Шу кунларда Грециянинг Гераклион шаҳрида теннис бўйича эркаклар ўртасида ITF таснифидаги М25 турнири ўтказилмоқда.
Мусобақада Ўзбекистоннинг иккинчи рақамли теннисчиси Сергей Фоминн ҳам иштирок этди.
У кеча 1/16 финал босқичида австриялик Максимилиан Нёхристга қарши кортга чиқди ва 2:0 (6/2, 7/5) ҳисобида ғалаба қозонди.
Бугун ўтказилган нимчорак финал босқичида эса 23 ёшли Фомин нейтрал мақомдаги Илия Симакинга 1:2 (1/6, 6/4, 2/6) ҳисобида имкониятни бой берди.
Таққослаш учун, Сергей Фомин ATP рейтингида 538, Симакин эса 360-ўринда қайд этилган.
Ҳавола :
Манба : olamsport.com
Фикрлар