Сергей Фомин ҳал қилувчи учинчи сетда 1/5 ҳисобидан чиқиб кетди

Мукофот жамғармаси 15 000 АҚШ долларини ташкил этувчи ушбу мусобақада ҳамюртимиз Сергей Фомин ҳам ўз имкониятини синаб кўряпти. Бироз аввал мамлакатимизнинг иккинчи ракеткаси иштирокидаги 1/4 финал учрашуви якунига етди. Дунёнинг 642-ракеткаси бўлиб турган Фомин ATP рейтингида 1425-поғонада бораётган россиялик Савва Полюхинга қарши баҳс олиб борди.  

Роппа-роса уч ярим соат давом этган драматик баҳсда Фомин суперкамбэкни амалга оширди. Биринчи сетни тай-брекда, 7/6(3) ҳисобида ўз фойдасига ҳал қилган ҳамюртимиз иккинчи сетда ютқазиб қўйди - 3/6. Ҳал қилувчи учинчи сетда 1/5 ҳисобида имкониятни бой бераётган Сергей муқаррар мағлубиятдан чиқиб кетди. У аввалига рақиб геймида матчболни йўққа чиқарди. Кейин эса кетма-кет геймларни ютиб олиб, тай-брекда 1/2 финал масаласини ижобий ҳал қилди.