16 июл 16:14
Янгиликлар
Теннис
Сергей Фомин Қозоғистон турнири финалида!
Қозоғистоннинг Нур-Султон шаҳрида бўлиб ўтаётган теннис бўйича ITF таснифига кирувчи турнир якуний паллага кирди.
Бугун турнирнинг ярим финал баҳслари ўтказилиб, финал иштирокчилари аниқланди. Қувонарлиси, ушбу мусобақада муваффақиятли иштирок этаётган теннисчимиз Сергей Фомин финал йўлланмасини қўлга киритди.
Бироз аввал якунланган ярим финал учрашувида Фомин россиялик Константин Кравчукка қарши кортга чиқди ва рақибини 6/4, 6/1 ҳисобида мағлуб этиб, финалга йўл олди.
Бош соврин учун бўлиб ўтадиган баҳсда ҳамюртимизга мезбонлар вакили Бейбит Жукаев рақиблик қилади. Финал баҳси эртага бўлиб ўтади.
Маълумот учун, Фомин айни вақтда АТР рейтингида 408, Жукаев эса 473-ўринни эгаллаб турибди.
Ҳавола :
Манба : olamsport.com
Фикрлар