21 май 12:30
Янгиликлар
Теннис
Сергей Фомин - Қозоғистондаги "Челленжер" турнири чемпиони
Ўзбекистонлик теннисчи Сергей Фомин Қозоғистоннинг Чимкент шаҳри мезбонлик қилган мусобақа ғолибига айланди.
Теннисчимиз финалда нидерландиялик Робин Хаасга қарши ўйин ўтказди. 1 соат 36 дақиқа давом этган ўйинда Фомин рақибини 7:6, 6:3 ҳисобида мағлубиятга учратди ва мусобақа чемпионига айланди.
Қайд этиш лозимки, Фомин айни пайтда жаҳон рейтингида 838-ўринни эгаллаб турибди. Ушбу ғалабадан сўнг Фомин ўз ҳисобига 80 рейтинг очкосини қўшиб қўйди. Бу орқали теннисчимиз душанба куни эълон қилинадиган рейтингда яхшигина кўтарилишга эришади.
Эслатиб ўтамиз, Фомин мусобақани саралаш босқичидан бошлаганди.
Ҳавола :
Манба : olamsport.com
Фикрлар