16 май 15:36
Янгиликлар
Теннис
Сергей Фомин Қозоғистондаги "Челленжер"нинг асосий даврасига чиқди
Қозоғистоннинг Чимкент шаҳрида теннис бўйича эркаклар ўртасида мукофот жамғармаси 53 120 АҚШ долларини ташкил этувчи мусобақа бошланди.
Баҳсларда ўзбекистонлик теннисчилар ҳам иштирок этишмоқда.
Саралашнинг илк даврасида Сергей Фомин ва Санжар Файзиев ўртасидаги ўзбек дербиси ташкил этилди. Уна Фомин 6:3, 6:3 ҳисобларида ғалаба қозонди. Саралашнинг иккинчи босқичида эса Фомин Ян Бондаревскийдан 6:3, 7:6 ҳисобларида устун келди ва асосий даврага чиқди.
Энди Фомин асосий даврада россиялик Алибек Качмазовга қарши кортга чиқади.
Ўзбекистоннинг биринчи ракеткаси Денис Истомин эса асосий даврани германиялик Себастиан Фанселовга қарши ўйин ўтказади.
Ҳавола :
Манба : olamsport.com
Фикрлар