31 окт 11:02
Янгиликлар

Теннис

Сергей Фомин рейтингда ўзидан анча юқоридаги рақибни таслим этди

Грециянинг Крит ороли Ираклион порт шаҳрида теннис бўйича М25 тоифасига кирувчи турнир давом этмоқда.

Мусобақада ҳамюртимиз Сергей Фомин ҳам иштирокини бошлади. Мамлакатимизнинг иккинчи ракеткаси илк даврада россиялик Илия Симакинга қарши кортга чиқди. Икки соату 44 дақиқа давом этган 1/16 финал баҳсида Фомин турнирнинг саккизинчи ракеткасини 7/6(4), 4/6, 6/3 ҳисобида мағлубиятга учратди.

Таққослаш учун, Симакин ATP рейтингида 359, Фомин эса 532-ўринни эгаллаб турибди. Бу теннисчиларнинг ўзаро иккинчи учрашуви бўлди. Сергей кечаги ғалабаси билан ўртадаги мувозанатни ҳам тиклаб қўйди. Бугун Фомин 1/8 финалда британиялик Рян Пенистонга қарши кортга чиқади.