26 апр 15:05
Янгиликлар

Теннис

Сергей Фомин Шимкент турнири финалида!

Қозоғистоннинг Шимкент шаҳрида теннис бўйича ITF M15 тоифасига кирувчи турнир бўлиб ўтмоқда.

Ушбу мусобақада мамлакатимизнинг иккинчи ракеткаси Сергей Фомин ҳам муваффақиятли одимлаяпти. Ҳамюртимиз бироз аввал якунига етган 1/2 финал учрашувида ортиқча қийинчиликсиз ғалабага эришди. У 92 дақиқа давом этган баҳсда польшалик Яша Шайрихни икки сетда ҳам бир хил ҳисобда мағлуб этди - 6/2, 6/2.

Таққослаш учун, Шимкент турнирининг биринчи ракеткаси бўлган Фомин ҳозирда ATP рейтингида 461, мусобақада саккизинчи рақам остида сараланган Шайрих эса 884-ўринни эгаллаб турибди. Эртага Сергей Фомин Шимкент турнири бош соврини учун франциялик Шон Кюненга қарши кортга чиқади. Рейтингда 937-поғонада бораётган Кюнен кутилмаганда 1/2 финалда турнирнинг учинчи ракеткаси, украиналик Александр Брайнинга ҳеч қандай имконият қолдирмади - 6/1, 6/2.