Сергей Фомин Shymkent Challenger бош соврини учун ўйнайди!

Мукофот жамғармаси 63 000 АҚШ долларини ташкил этувчи турнирда бироз аввал 1/2 финал учрашувлари ўтказилди. Ҳамюртимиз турнирнинг тўртинчи ракеткаси, Босния ва Герцеговиния вакили Андрей Недични иродали тарзда мағлубиятга учратди. Биринчи сетни бой берган Фомин якунда камбэк амалга ошира олди - 4/6, 6/1, 6/4. 

Таққослаш учун, Фомин айни пайтда ATP рейтингида 359, 21 ёшли Недич 285-ўринни эгаллаб турибди. Бир соату 57 дақиқа давом этган баҳсда иккала теннисчи ҳам 1 тадан эйс зарбасини амалга оширди. Сергей ўз геймларидаги тўп узатишларда қўшхатога йўл қўймади. Андрей эса қўшхатолар 3 тани ташкил қилди. Бу теннисчиларнинг ўзаро ўтказган илк учрашуви бўлди. 

Эртага Сергей Фомин мусобақа бош соврини учун қозоғистонлик Тимофей Скатовга қарши кортга чиқади. Турнирнинг биринчи ракеткаси сифатида сараланган Скатов айни пайтда ATP рейтингида 198-ўринни эгаллаб турибди. У бугун 1/2 финалда турнирнинг олтинчи ракеткаси, франциялик Антуан Гибаудони ортиқча қийинчиликсиз таслим этди - 6/2, 6/2. Фомин - Скатов финал учрашуви эртага бизнинг вақт билан соат 13:00да бошланади.