Сергей Фомин Туркиядаги турнирда ўйин ўтказди

Мусобақада ҳамюртимиз Сергей Фомин саралаш баҳсларининг 2-босқичида германиялик Паул Ворнерга қарши кортга чиқди. 3 сет давом этган ўйинда Фомин  6/2, 5/7, 10/7 ҳисобида ғалаба қозонди.

Асосий тўрга йўлланма берувчи босқичда эса Сергей Фоминга украиналик Алексей Крутих рақиблик қилди. Афсуски, ушбу ўйинда юртдошимиз рақибига 4/6, 2/6 ҳисобида имкониятни бой бериб қўйди ва турнирни тарк этди.

Эслатиб ўтамиз, ушбу турнирда бошқа бир ўзбекистонлик теннисчи Ҳумоюн Султонов ҳам иштирок этади. У мусобақада биринчи сараланган теннисчи сифатида қайд этилган. У баҳсларни асосий босқичдан бошлайди.