09 дек 07:12
Янгиликлар

Теннис

Сергей Фоминнинг Анталиядаги юриши давом этмоқда

Туркиянинг Анталия шаҳрида теннис бўйича ITF15 тоифасига кирувчи турнир бўлиб ўтмоқда.

Мукофот жамғармаси 15 000 долларни ташкил этувчи ушбу мусобақада ҳамюртимиз Сергей Фомин ҳам ўз омадини синаб кўрмоқда. Мамлакатимизнинг иккинчи ракеткаси биринчи даврада турнирнинг иккинчи ракеткаси сифатида ҳаракат қилган нидерландиялик Макс Хуксни 6/4, 5/7, 6/1 ҳисобларида мағлуб этишни уддалаганди.

Фомин 1/8 финалда аргентиналик Лучо Карневаллега ҳеч қандай имконият қолдирмади - 6/2, 6/1. Бу теннисчиларнинг ўзаро ўтказган илк учрашуви эди. Бугун ҳамюртимиз 1/4 финалда россиялик Денис Клокка қарши кортга чиқади.

Таққослаш учун, Фомин ATP рейтингида 728, Карневалле 1120, Клок эса 564-ўринни эгаллаб турибди.