20 дек 09:58
Янгиликлар

Формула-1

Серхио Перес "Ред Булл"ни тарк этаётгани тасдиқланди, Ферстаппеннинг янги шериги ким бўлиши ҳам маълум

Формула-1'да иштирок этувчи "Ред Булл" жамоасининг мексикалик ҳайдовчиси Серхио Перес жорий йилги чемпионатни 152 очко жамғариб, саккизинчи ўринда якунлади.

Расмий хабарга кўра, жамоани тарк этган Серхио Переснинг ўрнини янги зеландиялик Лиам Лоусон эгаллайди.

"Шу йиллар давомида Макс Ферстаппен билан ёнма-ён пойгада иштирок этиш ва муваффақиятларни баҳам кўриш мен учун шараф бўлди. Бутун дунёдаги мухлисларга, айниқса мексикаликларга ҳар куни қўллаб-қувватлагани учун алоҳида раҳмат айтаман. Тез орада яна учрашамиз. Ёдингизда тутинг: ҳеч қачон таслим бўлманг", деб ёзди Перес ижтимоий тармоқдаги саҳифалари орқали.

Маълумот учун, Лоусон 22 ёшда. У Формула-1'да 2023 йилги Нидерландия Гран-приси доирасида "Альфа-Таури" жамоаси сафида дебют қилганди.