Сехудо жароҳат олди, у августда Верага қарши жанг қила олмайди

19 август кунига режалаштирилган жанг бекор қилинди. 

"Келажагим борасида бир неча муҳим янгиликлар. Афсуски 19 август кунги UFC турнирида жанг қила олмайман. Ўнг елкамни МРТ қилдирдим ва бу 6-8 ҳафталик тикланиш кераклигини кўрсатди.

Мен бу қарорни имкон қадар узоқроққа чўздим, чунки Читога қарши жанг қилиш ғояси ёқаётган эди. Елкам ва 25 октябрда туғиладиган фарзандим учун энг яхши қарор - август ойида жанг қилмаслик эди. 

Мақсадларим ўзгармайди. Мен камаримни қайтиб олмоқчиман. 100 фоиз тикланганимда мени яна октагонда кўрасиз. Аммо унгача мен даволанишим керак. Умид қиламанки, UFC Чито кардда қолиши учун унга бошқа рақиб топиб беришади. Мен у билан Бостонда жанг қилишни жудаям истагандим. Аммо мен қайтаман", - деб ёзди Сехудо ижтимоий тармоқдаги саҳифасида.