16 окт 12:02
Янгиликлар

Дзюдо

Шаҳрам Аҳадов ўз вазнида жаҳон рейтинги пешқадами бўлиб олди

Халқаро дзюдо федерацияси (IJF) томонидан янгиланган жаҳон рейтингини эълон қилди.

Эътиборлиси, -73 кг вазн тоифасидаги дзюдочимиз Шаҳрам Аҳадов ўз вазнида рейтинг пешқадами бўлиб олди. У аввалги ой рейтингида 2-поғонани эгаллаб турганди. Аҳадов япониялик Тацуки Ишихарани ортда қолдириб, 1-ўринга кўтарилиб олди.

Яна бир аҳамиятга молик ҳолат, аёллар ўртасида энг оғир вазн тоифасидаги дзюдочимиз Умида Ниғматов 62 поғонага юқорилашга муваффақ бўлди. Эндигина ёшлар тоифасидан кўтарилиб, катталар ўртасидаги мусобақаларда иштирок эта бошлаган Умида қисқа фурсатда айтишга арзигулик натижаларга эриша бошлади.