Шаҳрам Ғиёсов АҚШга жўнаб кетди (ФОТО)

"Биз йўлга чиқди", - дея сурат жойлаштирди Шаҳрам ижтимоий тармоқдаги саҳифасига. 

У фаолиятидаги ўн бешинчи жангини 2024 йил 24 февраль куни Орландода ўтказади. Ўша куни ҳамюртимизга мексикалик боксчи Пабло Сезар Кано рақиблик қилади. Жанг ғолиби WBА камари учун расмий даъвогарга айланади.

Маълумот учун, Шаҳрам проф боксда ҳозиргача 14 та жанг ўтказган ва уларнинг барчасида ғалаба қозонган. Жангларининг тўққизтасида муддатидан илгари зафар қучган.

Унинг бўлажак рақиби Пабло Сезар Кано эса фаолияти давомида 44 та жанг ўтказган ва уларнинг 35 тасида ғалаба қозонган, 8 та жангда мағлуб бўлган ва 1 тасида дуранг қайд этилган. 

Аҳамиятлиси, Пабло фаолияти давомида икки бор жаҳон чемпионлик камарлари учун жангга чиққан ва ҳар икки жангда мағлуб бўлган.