04 июн 09:28
Янгиликлар

Бокс/ММА

Шаҳрам Ғиёсов АҚШга жўнаб кетди + ФОТО

Аввал хабар берганимиздек, чарм қўлқоп устамиз 3 август куни чемпионлик камари учун рингга чиқиши мумкин.

"Янги жанглар ва ғабалар сари йўлга отландик", - дея ўзининг ижтимоий тармоқдаги саҳифасида Ислом Каримов номидаги Тошкент халқаро аэропортидан сурат ва унинг остида изоҳ қолдирган Ғиёсов.

Эслатиб ўтамиз, Шаҳрам Ғиёсов шу йил февраль ойида АҚШнинг Орландо шаҳрида Matchroom Boxing ва DAZN ҳамкорлигида ташкил этилган катта профессионал бокс оқшомида ўз жангини ўтказган эди. Яримўрта вазндаги боксчимиз ўшанда мексикалик Пабло Сезар Канони 11-раундда техник нокаутга учратиб, WBA камари учун мажбурий даъвогарга айланиб олганди.

"Насиб бўлса, чемпионлик жангига бир қадам қолди. Ёки келаётган жангимда ёки ундан кейингисида жаҳон чемпионлиги учун рингга чиқаман", - деганди Ғиёсов.