Шаҳрам Ғиёсов АҚШга жўнаб кетди, у 9 март куни рингга чиқади

Янги йил байрами арафасида Ўзбекистонга қайтиб келган ҳамюртимиз бир ойлик таътилни она Ватанда ўтказди. Таътил бўлишига қарамай, Тошкент ва Бухорода машғулотларини давом эттирди. Энди Шаҳрам ўзининг 9 март кунига белгиланган жангига тайёргарликни АҚШда давом эттиради. 

Эслатиб ўтамиз, Шаҳрам Ғиёсов ўзининг ҳозирча сўнггиси бўлиб турган жангида мексикалик Мигель Замудиога қарши рингга кўтарилганди. Чарм қўлқоп устамиз саккиз раундга мўлжалланган жангнинг биринчи раундидаёқ рақибини нокаутга учратиб, фаолиятидаги олтинчи ғалабасини тантана қилганди.