01 окт 11:40
Янгиликлар

Бокс/ММА

Шаҳрам Ғиёсов АҚШга жўнаб кетяпти, навбатдаги жанг яқин!

Бугун профессионал боксчимиз Шаҳрам Ғиёсов Ўзбекистондаги қисқа таътилни якунлаб, АҚШга жўнаб кетади.

Бу ҳақида чарм қўлқоп устамизнинг ўзи сайтимизга хабар берди. Шаҳрам Мексикада ўтказган жангидан сўнг Ўзбекистонга қайтган ва орада Туркиянинг Анталия шаҳрида ўз маҳорат сабоқларини намойиш этган эди.

- Таътил якунланди ва бугун Америкага йўл оляпман. Қисқа фурсатли дам олишдан сўнг яна залга қайтаман. Тез орада навбатдаги жангим санаси аниқ бўлади. Катта эҳтимол билан ноябрь ойида рингга кўтариламан, - деди Ғиёсов.

Эслатиб ўтамиз, Шаҳрам Ғиёсов 25 август куни Мексикада колумбиялик собиқ жаҳон чемпиони Дарлейс Пересга қарши жанг ўтказиб, рақибини 30 сония ичида нокаутга учратганди.