16 ноя 22:57
Янгиликлар

Бокс/ММА

Шаҳрам Ғиёсов эртанги жангда Ҳасанбой Дўсматовга секундантлик қилади

Бизнинг вақт билан эртага тонг саҳарда Мексиканинг Гуанахуато штати маъмурий маркази ҳисобланган Сан-Мигель-де-Альенде шаҳрида профессионал бокс кечаси ташкил этилади.

Plaza De Toros аренасида ўтувчи ушбу бокс оқшомидан жами 11 та жанг ўрин олган бўлиб, биз учун аҳамиятлиси, андеркард жангдан аввал, яъни охиридан ҳисоблаганда, учинчи жангда ҳамюртимиз Ҳасанбой Дўсматов рингга кўтарилади.

Рио-2016 Олимпиадаси чемпиони ўзининг проф боксдаги дебют жангида мексикалик 19 ёшли боксчи Хесус Сервантес Виллануэвага қарши рингга чиқади. Бир неча соатдан сўнг бошланадиган жангда Дўсматовга яна бир профессионал боксчимиз Шаҳрам Ғиёсов секундантлик қилади.