Шаҳрам Ғиёсов навбатдаги жангини ўтказди

Мазкур жангда ҳамюртимизга мезбон боксчи Эдгар Пуэрто рақиблик қилди. 

Ҳамюртимиз ушбу рейтинг жангини муддатидан олдин якунлай олди. Бешинчи раундда Шаҳрам зарбалар сериясини уюштирди. Шундан сўнг ҳакамлар жангни тўхтатишди ва техник нокаутни қайд этилди. 

Шу тариқа Ғиёсов фаолиятидаги еттинчи жангида ҳам ғалаба қозонди. У жангларининг 6 тасини муддатидан олдин якунлай олган. Эдгар Пуэрто эса бугунгиси билан қўшиб ҳисоблаганда 38 та жанг ўтказган. Уларнинг 25 тасида ғалаба қозонган (19 та нокаут). 12 маротаба мағлубиятга учраган (6 та нокаут) ва 1 та дуранг қайд этган.