03 мар 19:35
Янгиликлар
Бокс/ММА
Шаҳрам Ғиёсов нима учун "Мир Бокса" компаниясини танлаганини айтди
Профессионал боксчимиз Шаҳрам Ғиёсов нима учун айнан "Мир Бокса" компанияси билан ҳамкорлик қилаётганини айтиб ўтди.
"АҚШга боргандан сўнг икки ой давомида таклифларни ўргандим. Бу ерда вариантлар кўп эди. Уларнинг ичида менга ёққани Андрей Рябинский қўл остидаги "Мир Бокса" компаниясидан эди.
Унга ишондим ва ушбу ташкилот таклифлари менга маъқул келди. Бир йилда ким 7 та жанг ташкил қилиб бера оларди? "Мир Бокса" менга бундай имконият яратиб берди. Мен 11 ой ичида 7 та жанг қилдим. Бу проф рингда яхши кўрсаткич ҳисобланади", - деди Шаҳрам olamsport.com сайти учун берган интервьюсида.
Эслатиб ўтамиз, бир неча кун олдин сайтимиз мухлисларидан Шаҳрам Ғиёсовга саволлар келиб тушганди. Яқин кунларда боксчимиз иштирокидаги видеоинтервью эътиборингизга ҳавола этилади.
Ҳавола :
Манба : olamsport.com
Фикрлар