31 июл 16:05
Янгиликлар

Бокс/ММА

Шаҳрам Ғиёсов ва рақиби вазн ўлчаш маросимида иштирок этди. Эртага жанг (Барча тафсилотлар)

Ярим ўрта вазн тоифасида WBA рейтингида биринчи ўринни эгаллаб турган ўзбекистонлик боксчи Шаҳрам Ғиёсов (15-0) ва унинг бўлажак рақиби, мексикалик Мигель Парра (22-4-1) вазн ўлчаш маросимидан ўтди.

31 ёшли ҳамюртимиз вазн ўлчаш тадбирида 67,77 кг тош босган бўлса, Мигель Парра 67,59 кг вазн кўрсатди.

Уларнинг жанги эртага тонгда Санта-Моника шаҳарчасида ташкил этилади. Дастлаб, 4 август тонгида бўлиб ўтадиган проф бокс оқшомида иштирок этадиган боксчилар, жумладан, Исроил Мадримов ва Теренс Кроуфорд иштирокида очиқ машғулотлар ўтказилади. Сўнгра, жанглар ташкил этилади.

Маълумот учун, очиқ машғулотлар Тошкент вақти билан 1 август куни 2:00 да, Ғиёсов рингга чиқадиган оқшом эса 4:00 да старт олади.