29 ноя 08:19
Янгиликлар

Бокс/ММА

Шаҳрам Ғиёсовга мукофот топширилди ФОТО

Профессионал боксда мағлубиятсиз одимлаётган ҳамюртимиз Шаҳрам Ғиёсовнинг кеча АҚШдан Тошкентга қайтиб келгани ҳақида хабар берган эдик.

Кеча чарм қўлқоп устамиз Ўзбекистон Республикаси жисмоний тарбия ва спорт вазирлигида тақдирланди. Спорт вазири Дилмурод Набиев Шаҳрам Ғиёсовга "Жисмоний тарбия ва спорт аълочиси" кўкрак нишони топширди.

Эслатиб ўтамиз, Шаҳрам Ғиёсов якшанба тонгида мексикалик Мигель Замудиони саккиз раундга мўлжалланган жангнинг биринчи раундидаёқ нокаутга учратганди. Бу билан у фаолиятидаги олтинчи ғалабасини тантана қилган эди.