Шаҳрам Ғиёсовнинг мексикалик рақибга қарши жанги муддатидан олдин якунланди

Ушбу жанг оқшомида ярим ўрта вазн тоифасидаги ҳамюртимиз Шаҳрам Ғиёсов мексикалик Пабло Сезар Канога қарши рингга чиқди.

Жангнинг 3-раундига келиб Шаҳрам чап қўл зарбаси билан рақибини нокадаун ҳолатига тушириб қўйди. Шундан сўнг жанг давом эттирилди.

12 раундга мўлжалланган жанг 11-раунддан сўнг якунланди. 11-раунд якунида бўлган тўқнашувдан сўнг рақиб йиқилиб тушди ва оёғидан жароҳат олди. Шундан сўнг у жангни давом эттира олмаслигини маълум қилди. 

Бу пайтга келиб Шаҳрам рингда устунликка эга бўлаётганди ва ҳамюртимиз 109-99, 109-99, 109-99 ҳисобларида жангда ғалаба қозонди.

Бу орқали Шаҳрам WBA камари учун мажбурий даъвогарга айланди.