Шаҳрам Ғиёсовнинг навбатдаги рақиби ва жанг санаси маълум. У Исроил Мадримовнинг андеркардида рингга чиқади

Марказий жанги америкалик Теренс Кроуфорд ва супер ярим ўрта вазн тоифасида WBA чемпиони Исроил Мадримов ўртасида кечадиган оқшомнинг андеркарди айнан 31 июль куни ташкил этилади.

Ўша куни дастлаб, Теренс Кроуфорд ва Исроил Мадримов иштирокида очиқ машғулотлар бўлиб ўтади, сўнгра, андеркарддан ўрин олган учта жанг ташкил этилади.

Улардан бирида ярим ўрта вазн тоифасидаги ҳамюртимиз Шаҳрам Ғиёсов рингга чиқади. Шаҳрамга мексикалик Мигель Перра рақиблик қилади.

Маълумот учун, 31 ёшли Шаҳрам Ғиёсов проф боксда 15 та жанг ўтказиб, уларнинг барчасида зафар қучган. Унинг рақиби эса 27 та жангда 22 та ғалаба, 4 та мағлубият ва 1 та дуранг қайд этган.