30 июн 08:11
Янгиликлар

Бокс/ММА

Шаҳрам Ғиёсовнинг рақиби, жанг санаси ва манзили маълум + ПОСТЕР

WBA International чемпионлик камари соҳиби бўлиб турган юртдошимиз Шаҳрам Ғиёсовнинг навбатдаги рақиби расман маълум бўлди.

Унга кўра, Рио-2016 Олимпиадасининг кумуш медали совриндори 15 август куни АҚШнинг Оклахома штати Талса шаҳрида ташкил этиладиган бокс кечасида фаолиятидаги 10-жангини ўтказади. У шу куни мексикалик Франсиско Рохо (22-3, 15 КО)га қарши рингга кўтарилади. Бўлажак жангда Шаҳрам ўз камарини ҳимоя қилади.

Маълумот учун, Шаҳрам Ғиёсов проф рингда 9 та жанг ўтказиб, барчасида ғалаба қозонган. Еттита жангда рақибларини муддатидан аввал мағлубиятга учратган. Рохо эса 25 та жангда қатнашиб, 22 ғалаба ва 3 мағлубият қайд этган. Ҳисобида 15 та нокаут бор.