Шаҳрам МОҚ президенти билан учрашди ва унга қўлқоп совға қилди

Чарм қўлқоп устамиз Ўзбекистон миллий олимпия қўмитаси президенти, Ўзбекистон футбол ассоциацияси вице-президенти Умид Аҳмаджонов қабулида ҳам бўлди. Учрашув давомида ёшларимизни имкон қадар кўпроқ спорт турларига жалб этиш, бу билан жамиятда соғлом турмуш тарзини янада қарор топтириш кераклигига эътибор қаратилди. 

Ўз ўрнида Умид Аҳмаджонов боксчимизни куни кеча АҚШда қўлга киритилган навбатдаги ёрқин ғалаба билан ҳам табриклади. Шаҳрам Ғиёсов эса МОҚ раҳбарига ўзининг бокс қўлқопларини совға сифатида топширди.