"Шакирова ғалаба қозонса, бу менга катта зарба бўлади". Мёрфи Лилия Шакировадан қўрқаяптими?

Интервью давомида Лилия Шакирова ҳақида қуйидагича саволлар берилди:

"Лаурен, сиз жуда кучли дебютант билан жанг қиляпсиз. 3 марта кетма-кет ғалаба қозонган, 8-1 рекорд. Биламан, Лилия ҳақида кўп нарса билмайсиз, лекин унинг жангларими ёки қандайдир видеороликлар кўрдингизми?" -дея савол берилди

Лаурен Мёрфи эса бу саволга жавоб берди.

"Биласизми, мен бу жангга розилик бериб катта таваккал қилдим. Умуман нотаниш, кучли дебютант билан жанг қилиш катта таваккал. Агар Шакирова ғалаба қозонса бу менга катта зарба бўлади. Ҳа, бир неча лавҳалар кўрдим. Лекин биласизми, у бир йил давомида жанг қилмаган экан. Бу нарса мени асабийлаштирмоқда. Сабаби мен у ҳақида ҳеч нима билмайман. Қаердан биламан, балки кунига 8 соат залда шуғуллангандир?

Мен уни охирги жангини кўрдим ва шу нарсани аниқ айта оламанки, у жуда кучли курашчи экан. Кимдир менга у жуда тажрибали курашчи деди, яна кимдир менинг инстаграмимга Лилия Ўзбекистондаги энг кучли курашчи деб ёзди. Булар ҳазил эмас албатта. Қўлини ортги қисми билан айланиб берадиган зарбалари жуда кучли экан ва Лилия буни жуда тез амалга оширар экан. Мен қўлларимни баландроқ кўтариб жанг қилиш керак бўлади. Менда ажойиб мураббий бор. Албатта, унга ишонаман. У менга керакли маслаҳаталарни беради",-деди Лорен Мёрфи.