06 авг 08:23
Янгиликлар

Шахмат

Шамсиддин Россиядаги турнирда муваффақиятли иштирок этди

Россия Федерациясининг Екатеринбург шаҳрида шахмат бўйича халқаро турнир бўлиб ўтди.

“Контур соврини учун Рашковский ва Фрадкин Кубоги” блиц мусобақасида ёш ҳамюртимиз Шамсиддин Воҳидов ҳам иштирок этди. Мусобақада Россия, Украина, АҚШ, Қозоғистон, Беларусь, Германия, Арманистон каби мамлакатлардан жами 364 шахматчи дона сурди.

Ўн бир турдан иборат блиц турнирида Шамсиддин 11 имкониятдан 9 очко жамғарди. Бир йўла етти нафар иштирокчи 9 очко тўплагани учун совриндорлар қўшимча кўрсаткичларга кўра аниқланди. Унда Воҳидов 5-совринли ўринни банд этди. Россиялик гроссмейстер Денис Хисматуллин 10 очко билан халқаро турнир ғолибига айланди.