10 окт 16:16
Янгиликлар

Теннис

Шанхай "Мастерс". Дунёнинг биринчи ракеткаси Медведевни деярли сезмади

Хитойнинг Шанхай шаҳрида ўтказилаётган теннис бўйича "Мастерс" сериясига кирувчи турнир ўзининг қизғин палласига кирди.

Дунёнинг биринчи ракеткаси Янник Синнер мусобақанинг 1/2 финалчисига айланди. Италиялик теннисчи 1/4 финалда рейтингнинг бешинчи поғонасида бораётган россиялик Даниил Медведевни ортиқча қийинчиликсиз мағлубиятга учратди - 6/1, 6/4.

Бу билан италиялик ракетка устаси теннисчиларнинг ўзаро учрашувларидаги ҳисоб мувозанатини ҳам тиклаб қўйди - 7:7. Саксон тўрт дақиқа давом этган баҳсда Янник 8, Медведев 3 та эйс зарбасини амалга оширган.