Шара Буллет эҳтимолий рақибларини айтди

Шара Буллет номи билан танилган аралаш яккакураш устаси UFC баннери остида иккита жанг ўтказиб, ғалабага эришган. 

"Мен UFC раҳбарлари Дана Уайт ва Хантер Кэмпбелл билан учрашиб, имкон қадар тезроқ рақиб беришларини сўрадим. Улар бу бўйича ишлашларини айтишди. Офисларида қабул қилганлари учун уларга миннатдорлик билдираман. Қанча тез октагонга қайтиб, мухлисларимни хурсанд қилсам, шунча яхши бўлади. Бо Никал ва Марвин Веттори мен билан жанг қилиш истагини билдирибди. Бу катта номлар. Албатта, улар билан ҳам жанг қиламан. Менга шундай номдор жангчилар керак. Лекин ҳозир Кевин Холланд билан октагонда юзма-юз келишни хоҳлардим. Мен айнан уни октагонга чақираман. Унинг жанг олиб бориш услуби менга ёқади. У ҳам катта номдаги жангчи. Бизнинг жангимиз оловли бўлади. У ҳам мен билан жанг қилиш истагида. Ҳамма гап UFC`да қолди", - деди Буллет.

Маълумот учун, 30 ёшли Шарабутдин Магомедов Бруно Сильвани очколар ҳисобига кўра мағлубиятга учратган бўлса. Антонио Троколини нокаутга учратганди. Кевин Холланд эса яқинда ўрта вазн тоифасига қайтиб, биринчи раундда Михал Олексийчукдан устун келган эди.