05 сен 10:44
Янгиликлар

Бокс/ММА

Шара Буллет "рус мужик"лари учун қасос олишга ваъда берди

Россиялик аралаш яккакураш устаси Шарабутдин Магомедов октябрь ойида UFC промоушенида ўз дебютини нишонлайди.

Шара Буллет 21 октябрь куни Абу-Даби шаҳрида ташкил этиладиган UFC 294 турнирида бразилиялик Бруно Сильвага қарши октагонга кўтарилади. Сильва фаолияти давомида Александр Шлеменко ва Артём Фроловни муддатидан аввал мағлубиятга учратган. Шара бўлажак жангда қасос олишга ваъда берди.

"Менинг қароримни Шлеменко ва Фролов қандай қабул қилишади, буниси менга қоронғу. Лекин мен уларни қўллаб-қувватлашга келган оддий рус "мужик"лари учун қасос оламан. Уларга ғалабали онларни тақдим этаман. Ўша содда рус йигитлари UFC билан шартнома имзоласам, эрталаб мен учун уйғонишларини айтишганди. Мен UFC жангчисиман. Энди мени руҳлантирган инсонлар учун жанг қиламан. Мен "ўқман", шуни унутманг", - деди Буллет.