Шара Буллетнинг кейинги жанги қачон ва қаерда бўлиши айтилди

Россиялик аралаш яккакураш устаси 2025 йилнинг 1 февраль куни Саудия Арабистони пойтахти Ар-Риёд шаҳрида ўтказиладиган UFC Fight Night 250 турнирида октагонга чиқади. Ҳозирча унинг рақиби ким бўлиши ҳақида маълумот берилмаган. 

Шара Буллет ўтган ҳафтанинг шанба оқшомида дунёнинг энг кучли Лигасидаги кетма-кет тўртинчи ғалабасини қўлга киритганди. У БАА пойтахти Абу-Даби шаҳрида ўтган UFC 308 турнирида собиқ спарринг-рақиби арманистонлик Армен Петросянни иккинчи ранудда иккиталик бэкфист зарбаси билан нокаутга учратган эди. 

Ўша жангдан кейин Шара Буллет ўрта вазнда собиқ UFC чемпиони Исраэль Адесаньяга "вызов" ташлади. Кеча эълон қилинган янги рейтингда Шаробутдин 14-ўринга кўтарилиб олди. 

"Биз 1 февраль кунги турнирга тайёргарликни бошлаб юбордик. Рақиб ҳали маълум эмас. Лекин бизга 1 февраль куни Саудия Арабистонидаги турнир учун жанг беришди. Балки, бу Адесанья бўлар", - деди Магомедовнинг мураббийларидан бири.