08 мар 16:21
Янгиликлар

Бокс/ММА

Шара Буллетнинг рақиби ўзгарди + ФОТО

Россиялик аралаш яккакураш устаси уч кундан сўнг Бразилиядаги турнирда жанг қилади.

Аслида 11 март куни Бразилиянинг Рио-де-Жанейро шаҳрида ташкил этиладиган Hype Brazil турнирида у америкалик Хорхе Масвидалга қарши грепплинг қоидаси асосидаги беллашувда гиламга чиқиши керак эди. Масвидал сафдан чиққач, Шарабутдин Магомедовга янги рақиб берилди. Хорхенинг ўрнини бразилиялик Эдсон Барбоза эгаллайди. Лига бўлиб ўтган ўзгаришни расман эълон қилди.

Ўтган йилнинг охирида UFC ўрта дивизионида иштирок этувчи 31 ёшли Шарабутдин Магомедов Еревандаги Hype турнирида Арман Царукян билан грепплинг бўйича дуранг натижа қайд этган эди. Шара аралаш яккакурашлар бўйича сўнгги жангини ўтган йилнинг июль ойида ўтказган ва ҳакамларнинг якдил қарори билан Марк-Андре Баррио устидан зафар қучганди.