14 мар 10:40
Янгиликлар
Енгил атлетика
Шарифа Давронова ёпиқ иншоотдаги Жаҳон Чемпионатига йўлланма олди
World Athletics томонидан 20—22 март кунлари Полшанинг Куявия-Поморзе шаҳрида бўлиб ўтадиган катталар ўртасидаги ёпиқ иншоотдаги Жаҳон Чемпионати иштирокчилари рўйхати эълон қилинди.
Аёллар ўртасида уч ҳатлаб сакраш турида Жаҳон биринчилиги иштирокчиларидан 9 нафари 14.15 метр саралаш нормативини бажариш орқали, 8 нафари энг юқори кўрсаткични қайд этган атлетлардан ва 1 нафари универсаллик квотаси бўйича йўлланмага эга бўлди.
Ҳамюртимиз Шарифа Давронова 14.05 метр натижа билан юқори кўрсаткич бўйича сараланганлар қаторида умумий рўйхатда ўнинчи бўлиб сараланди. Эслатиб ўтамиз, иқтидорли атлетимиз жорий йилнинг 7 февраль санасида Хитойнинг Тианжин шаҳрида ёпиқ иншоотда 14.05 метрлик кўрсаткич билан Осиё Чемпиони унвонини қўлга киритган эди.
Мусобақа дастурига биноан, аёллар ўртасида уч ҳатлаб сакраш баҳслари финал босқичи 21 март куни ўтказилади.
Ҳавола :
Манба : t.me/uzathleticschannel
Фикрлар