Шарофиддин Амриддинов - оғир атлетика бўйича жаҳон чемпиони!

Ушбу дунё биринчилигида терма жамоамиз ҳам кучли таркиб билан иштирок этяпти.

Қувонарлиси, -102 кгда юртимиз шарафини ҳимоя қилган Шарофиддин Амриддинов жаҳон чемпиони деган номга сазовор бўлди.

Атлетимиз даст кўтариш машқида 168 кгни ўзига бўйсундириб, кумуш медалга эга чиққан бўлса, силтаб кўтаришда 204 кг натижа билан олтин медални ўзиники қилди. Икки машқ якунига кўра ҳам Амриддинов тенгсиз бўлди ва ёшлар ўртасида жаҳон чемпионига айланди. 

Греция. Оғир атлетика бўйича ёшлар ўртасида жаҳон чемпионати

Йигитлар, -102 кг 

1. Шарофиддин Амриддинов (Ўзбекистон) - 372 (168+204)

2. Петрос Петросян (Арманистон) - 363 (161+202)

3. Муҳаммад Ҳамада (Фаластин) - 361 (168+193)

Эслатиб ўтамиз, бу биз учун жаҳон чемпионатидаги илк медаль эмас. Бир неча кун аввал -55 кг вазнда қизлар ўртасида Жамила Панфилова бронза медалига (даст кўтариш ва икки курашда) сазовор бўлиб, терма жамоамизга илк медални тақдим этган эди. Шунингдек, Ҳожиакбар Олимов -89 кг вазн тоифасида силтаб кўтариш машқида кумуш медалга эга чиққан.