Шаронов Самарқанд шаҳрини зиёрат қилди + ФОТО

Ўзбекистон сузиш федерацияси раҳбарияти таклифига кўра юртимизга келган Шаронов кеча қўҳна ва ҳамиша навқирон Самарқанд шаҳрида бўлиб, бу ерда сув полосини ривожлантириш борасида амалга оширилаётган ишлар ва яратилган шароитлар билан яқиндан танишди.

“Ташрифимнинг биринчи куни Наманганда бўлиб, вилоят сув полоси базасида яратилган шароитлар билан танишган эдим. Бугун биз Самарқанд шаҳрига келдик ва бу ерда ҳам сув полосини ривожлантириш борасида амалга оширилаётган ишларни кўздан кечирдик. Очиғи, ҳар икки ҳудудда ҳам олиб борилаётган ишлар менга манзур бўлди. Умид қиламанки, ишлар шу зайлда давом этадиган бўлса, яқин келажакда бу ердан кўплаб истеъдодли ватерполчилар етишиб чиқади. Бу учун шароит ҳам, имконият ҳам етарли”, - дея ўз фикрларини билдирди Евгений Шаронов.

Мартабали меҳмон, шунингдек, Самарқанд шаҳрининг тарихий обидалари ва муқаддас қадамжоларини ҳам бориб кўрди ва бу ерда ўтказган дамлари унинг ҳаётида ёрқин воқейлик сифатида муҳрланганлигини таъкидлаб ўтди.