09 фев 18:46
Янгиликлар

Бокс/ММА

Шавкат Раҳимовни Сан-Антониода чуқур нокаут қилишди

Бугун тонг саҳарда АҚШнинг Техас штати Сан-Антонио шаҳрида навбатдаги профессионал бокс турнири бўлиб ўтди.

Оқшом доирасида биринчи енгил вазн тоифасида собиқ IBF чемпиони Шавкат Раҳимов америкалик 30 ёшли Жастин Полдога қарши рингга кўтарилди. Саккизинчи раундда Полдо тожикистонлик тажрибали боксчини ўнг қўлда йўллаган кучли жеб зарбаси эвазига нокаутга учратди.

Жанг рефери томонидан тўхтатилгунига қадар ҳам Жастин катта фарқ билан очколар ҳисобига кўра олдинда бораётганди. CompuBox ҳисоб-китобига кўра Полдо 255 та аниқ зарба йўллаган. Раҳимовда зарбалари кўрсаткични бор йўғи 72 тани ташкил қилган. Бу Шавкат Раҳимовнинг фаолиятидаги иккинчи мағлубияти бўлди. Ҳисобида 17 ғалаба (14 нокаут) ва 1 дуранг ҳам бор.